Min finaste vårblomst - konkurranse frå Anne på Moseplassen

Eg kan ikkje heilt stå inne for at den raude julerosa er finaste vårblomsten min. Det er så vanskeleg å velge ein favoritt på denne tida, alt som dukkar opp av jorda eller sprett ut på greiner etter vinteren gjer meg jublande glad. Men i alle fall, juleroser er ein av kandidatane. Den raude kjem eit par veker etter den kvite, og ser ut for å tole nattefrosten litt bedre. Det einaste eg vil klage over er at ho er så nikkande at det er heilt umogeleg å ta eit skikkeleg bilde der ho står!