X-faktor blomsterutgaven 2013: Svart og grøn

Her er det ikkje allverden med bildekandidater å velge mellom! Men nok til at eg grubla lenge kva eg skulle lande på. Det vart altså ein nydeleg iris frå Gøteborg Botaniske hage. I hagen der er ein flott samling med spesielle iris. Dra gjerne dit i begynnelsen av mai og sjå dei i blomstring! Dessverre har eg ikkje namn på irisen min - bildet er teke før eg lærde at å ta bilde av namneskiltet var like viktig....

X-faktor blomsterutgaven 2013: GUL!

Idag laver snøen ned her, og det passa så ypperleg å bla gjennom bilda mine på leit etter noke gult. Verkeleg ei hyggeleg og oppmuntrande stund! Det vert vår ein gang... Eg er glad i gult i hagen, og då særleg om våren. Gul vinterblomst, vårkornell, påskeliljer, mange av første plantene som dukkar opp etter vinteren er gule. Så var det bidraget mitt. Eg aner ikkje kva plante eg har teke bilde av. Det var nok eit forsøk på "insekt og blomst", med litt velvilje ser de ei bie (?) på bakerste blomsten.

Lotusfrø har hardt skal!

Eg har fått frø av indisk lotus, Nelumbo nucifera. Det er digre frø med hardt skal, og frøa må rubbast dersom det skal vere håp om å få dei til å spire. Ganske enkelt - trudde eg.... Tang til å halde frøa med og så eit utval med sandpapir frå skismørehylla til mannen. Så satte eg i gang. Tanga var det ikkje noke hjelp i, her gjaldt det å halde på frøet mellom fingrane og file i vei. Det tok tid og såre fingrar. Men no ligg frøa i vatn på eit glas, og skal visstnok spire om 6 - 7 dagar. Det er i alle fall lov å håpe på det!

 

Kanskje blir resultatet slik?

 

Rudolf i trening til jul!

Neppe trening reinsdyra tenkte på, der dei sprang framfor bussen vår.  Bildet er frå turen vi hadde til Sylane i haust. Kollega Geir har teke bildet, han var kjappast til beins og sikra seg beste fotoplassen framme i bussen.

Julemarked laurdag 24. november i Botanisk hage på Tøyen

Julemarkedet i Botanisk hage er ikkje av dei største, men seljarane der dekker eit stort  utval av heimelaga produkt. Det kan vere alt frå strikk, veving, trevarer, smykker, diverse på glas, honning, bakevarer, kort sagt mange flotte og vellaga ting. I tillegg kan ein kombinere markedet med ein spasertur i hagen eller glede seg over eksotiske planter i veksthusa.
Her er eit bilde av dei fantastiske tulipanane vi kunne nyte synet av i Botanisk hage i vår. Er det ikkje ei fin oppmuntring no i november mørket?

I siste liten, og for seint ute

Snøen har lagt seg og delvis blitt borte igjen, trea har mista blada, det er vinter i hagen.  Men før det siste snøfallet, rakk eg å flytte ei lita valmuesøster,  Meconopsis quintuplinervia, frå barnebedet til eit nyetablert staudebed. Eg har gjort forsøk på flytting før, og det har ikkje gått bra. Nesten så eg får tanker om eit trassig vakse barn som ikkje vil flytte heimanfrå:  Får eg ikkje vere der eg vil, kan det vere det same med alt.... Men no vart det flytting, og seinhaustes kom der ein blomst! Veit ikkje heilt korleis eg skal tolke han.

Og i den første snøen dukka haustkrokrokusen opp. Altfor seint! Og eg som i vår hadde tenkt å flytte dei til ein lunare plass...

Haustblad - Mitt bidrag og Oddvar Torsheim sitt...

Anne på Moseplassen lyser ut ny konkurranse, denne gangen om haustblad. Eg fann fram eit bilde med fargerike blad frå ein svartsurbærbusk. Alle burde ha svartsurbær i hagen! Nydelege kvite blomster om våren, bær som kan  brukast til saft og gelé, og seinhaustes står busken der med flotte haustfarger i raudt og gult. Kan ein ønske seg meir av ein busk?

Så var det Oddvar Torsheim. Han er ein kunstnar som eg set stor pris på, i kunsten sin viser han originale innfall, frodigheit og humor. Dette er plakaten han teikna til Haustutstillinga for mange år sidan. Plakaten har fulgt meg rundt på mange kontor, og fortsatt morer eg meg over streken hans...