Gul rose, bestemorhage og ein begravelse

Bestemor mi hadde ein fin hage.  Dessverre var både ho og hagen borte før eg var fødd.  Mor og tantene mine hadde gode minner frå hagen, og særleg snakka dei om den gule rosa.  Rosa skulle vere så vakker, men ho var borte, og let seg ikkje lenger oppdrive.  Og ettersom åra gjekk, vart rosa sjølsagt finare og finare... Så for nokre år sidan var tantene mine i ein begravelse til eit søskenbarn.  Og som skikken er, vart dei invitert til etterpålag på heimegarden hans. Og der på garden sto den gule rosa i full blomst i hagen!  Spade vart henta og rotskot gravd opp.  Nyplantingane trivdes i hagane til tantene mine, og frå dei har alle hageinteresserte i slekta fått gul rose til minne om ei hageinteressert bestemor. Den gule rosa er den første rosa som blomstrer i hagen her hos meg, og eg synest det er fint å tenke på at vi er mange som deler både slekt og hagehistorie. La oss ta vare på dei gamle rosene!

Pinseminne med rhododendron og skitur på Folgefonna

For nokre år sidan var vi i pinsehelga på Vestlandet. Andre pinsedag køyrde vi opp frå Jondal til kanten av Folgefonna. (Vegen hamna på lista mi over "Vegar i Norge ein bør unngå"...). Vel oppe hadde vi ein flott skidag på fonna i strålande solskin.  Vi skulle heim same dag, så seinettermiddagen la vi i veg austover.  Eit stykke før Nordheimsund vart det stopp, for der låg Gimle planteskule.  Planteskulen var ikkje inngjerda, så det var berre å gå inn. Og der var det rhododendron! Flotte planter i nydelege farger! Vi hadde ikkje sett makan, og vi bestemte oss der og då at her måtte vi handle. Planteskulen var stengt, men eg ringde på døra til privathuset og spurde pent om vi fekk kjøpe.  Det ordna seg, og vi drog vidare i triumf med rhododendron 'Fantastica' og 'Goldkrone' i baksetet. Og dei har gledd oss med blomstring kvart år seinare, sjøl om vinteren her er litt tøff for 'Goldkrone'.

Blå søstre og anna blått i hagen

Eg må medgi at hagen min langt på veg styrer seg sjøl, skal eg kalle det plante- anarki?  Når akeleier og valmuer dukker opp overalt, ja, så lar eg dei stå.  Robuste planter som overlever sprengkald vinter og blomstrer like friskt, dei har gjort seg fortent til ein plass i hagen. Resultatet er lett kaotisk. Idag slo eg fast at det var stor overvekt av planter med blå blomster i hagen. Og det er heilt flott!

Her er forglemmegeisøster.  Eg fekk ein lita rot av ei gamal tante for mange år sidan. Ein robust og flott staude med nydeleg blåfarge på blomsten.

Spaniablåstjerne? Her er eg ikkje sikker, men uansett så skulle eg gjerne hatt fleire av dei i hagen.  Dei spreier seg sakte, så det er gledeleg når dei dukker opp.










  

 Perleblomster er fine!

Blå valmuesøster er favoritt- stauden min! Eg har hatt planta i mange år, og ho kjem trufast tilbake kvar vår. Slikt vert ein glad av...

Tur til Ramme gård

Ramme gård ligg ein times bilkøyring herfrå.  Det er alltid ei fin oppleving å spasere i parken der og beundre tre, planter og skulpturer. Eg var der no på laurdag, i nydeleg sommarver. Det var også dagen for plantesalg, men der var eg nokså nøktern, ikkje kom eg heim med hverken magnolia, urtidstre eller diverse trillium. Men litt kjøpte eg, bl.a. haustanemona  'Harry Smith'. Medgir at eg fall litt for namnet .... Her er nokre bilder frå dagen.

Bilde frå dammen med skulptur.

Primula ved bekken

Gul magnolia-
knopp

Størrelsen er im-
ponerande!

Familieidyll i fugleverda

Eg går ofte forbi eit lite vatn, og der stoppar eg gjerne for å kike på fuglane.  På denne tid er det eit yrande fugleliv med ender, gjess og måsefuglar. Og her ein dag såg eg far og mor kanadagås med seks nydelege barn! Men foreldra viste med eit tydeleg kroppsspråk at dei ikkje likte at eg nærma meg familien, dei til og med freste! Det er ikkje alle foreldre som set pris på beundring av avkom....

Bytreportrett - Raud hestekastanje

Eg legg alltid merke til offentlege og private plantingar i byen.  Det hender eg jublar over spenstige valg av planter og tre, og  idag vil eg presentere eit tre som eg synest er vakkert!  Det er raud heste- kastanje - aesculus x carnea. Det er ikkje så mange av dei på min kant av byen, men eit kjent forsikringsselselskap har planta ei rekke med raud hestekastanje mellom motorvegen og kontorbygningen. Og eg gled meg stort over trea i blomstringa! Den raude hestekastanjen på bilda står i eit plenområde i tilknytning til ei større rundkjøring.  Treet er mindre enn den vanlege hestekastanjen, og er heller ikkje så riktblomstrande. Men det  tek treet igjen med utruleg vakre blomster!

Vårtreffet - med salg av tempeltre!

Søndag 29. mai arrangeres Vårtreffet i Botanisk hage på Tøyen.  Det er den store dagen til Botanisk hages Venner med sal av planter, gratis omvisningar i hagen, standplass for "grøne" foreningar, aktivitetar for barn og salg av is og vafler. På Vårtreffdagen brukar det å vere fullt opp av glade plantekjøparar og god stemning!   I år skal BhV m.a. selge tempeltre, engletrompetar, kanna, planter frå Oldemors hage, og elles mengder av flotte stauder, urter og sommarblomster. Det er ein triveleg dag for både planteinteresserte og andre. Følg linkane oppe til høgre dersom du vil lese meir om arrangementet.