fredag 6. april 2012

Busker med gule blomster akkurat no

Dette er vårkornell, Cornus mas. Busken veks i nabohagen, er ca. 4 - 5 m høg, altså eit skikkeleg gammalt eksemplar. Med plassering i grensa mellom hagane våre har også eg stor glede av blomstringa. I år er busken dekka med sarte, lysegule blomster. Eit flott syn! Vårkornell er ikkje så vanleg i hagane her lenger, busken har tydelegvis gått av hagemote. Naboen har faktisk to busker, og det gjer at der kjem avlange, svartraude kirsebærstore frukter seinhaustes. Vi har prøvd å lage syltety, det vart med den eine gangen. Ikkje den store smaksopplevinga!



















Bilde 2 er hasselbror, Corylopsis platypetala. Busken står i Botanisk hage på Tøyen. I år er blomstringa praktfull! Bildet viser berre eit lite utsnitt. Eg veit ikkje så mykje om busken, men det skal visstnok ta mange år før den kjem i blomst, og så krev den nok plass! Blomstrane heng i akslignande klaser, tett i tett nedover greinene. Heilt nydeleg!
Så er det den gulblomstrande busken alle kjenner, gullbusk eller Forsythia. Og den er ikkje uvanleg i det heile! Her er busken brukt mykje både i private og offentlege plantingar. Fin til å ta inn til driving, blomstrar trufast år ut og år inn. Gullbusken kan vere rotete i veksten, men kva rolle spelar det når den byr på så flott blomsterprakt!

2 kommentarer:

  1. Flotte trær som blomstrer gult nå om våren.
    Ønsker deg en fortsatt god påske!

    SvarSlett
  2. Fine alle sammen, også blomstrar dei no nr me treng det mest! ein annan fin gul ein er gullrips, den duftar heilt herlig.

    SvarSlett