Engletrompet og pelargonia i sesonginnspurt

For ein fantastisk sommar - og haust! No skriv vi oktober og fortsatt er der blomster i hagen. Engletrompeten har siste blomstringa no, snart skal han i hus for vinterlagring. Eg klipper ikkje ned før til våren, mest for å ha stiklingpinnar til å gi bort. Flott haustfarge på blåbærbusken min! Ingen blåbær til meg i år dessverre, trasten var ivrig og hausta før eg fekk snudd meg... Pelargoniane har ikkje avslutta sesongen ennå, fortsatt kan eg glede meg over blomsterprakta deira!

Søndag er det Vårtreff i Botanisk hage på Tøyen!

Søndag 2. juni arrangerer Botanisk hages Venner Vårtreff i Botanisk hage. Det bruker å vere ein stor dag for alle plante- og hageinteresserte. Då er det salg av sommerblomster, urter, stauder, Oldemors hage planter og spesielle planter. Det er gratis omvisninger i hagen, kafe med vaffel og kaffisalg og natursti for barna. I år er Botanisk hages Venner med på feiringa av Edvard Munch, og gjer det ved å selge nokre utvalde planter han dyrka i hagen på Ekely og i Åsgårdstrand. Plantene er levkøyer, reseda og duftheliotrop. Plantelistene ligg ute på nettstaden til BhV, kanskje det er noke som frister slik du tar turen til Tøyen?

Engletrompetbarn

Ifjor hadde eg engletrompet i hagen for første gang. Og det var eit lykketreff! Ein fantastisk plante med eit vell av blomster og nydeleg duft til stor glede for meg. Så eg fann ut at her måtte eg dele gleda med andre, og la i vei med avleggarproduksjon. Planta vart klipt ned i februar, og det resulterte i fem pinnar. Og tenk, fire av dei sette røter. Så no gjeld det å passe godt på og få dei over barnestadiet. Eg skjønar godt dei som vert hekta på dyrking av engletrompet. Skulle gjerne hatt mange sortar, men så var det den vinterlagringa...



Bilde av morplanten teke i september i fjor. For den som lurer på kva det er for ein klatreplante i bakgrunnen med blå blomster: Asarina

Eit vanskeleg valg - dei tre finaste plantene i hagen no

Ikkje enkelt å velge ut berre tre!  Men her er dei:

Peonen er gamal og var i hagen då vi flytta hit.  Eg har ikkje noke namn på han, men det er kanskje det som kallast bondepeon?  Peonar likar ikkje å verte flytta på seiast det, eg gjorde det likevel for eitt par år sidan trass i alle åtvaringar, og det ser ut for at den gamle peonen hadde godt av flyttinga.

Stjerneskjerm! Nydelege planter som eg er så glad i! Denne har heller ikkje noke namn, men eg har fått han av min gode hagenabo Trude her nede i vegen, så eg kallar han ganske enkelt for Trudes stjerneskjerm.

Årets første blomster på engletrompeten min! Nyinnkjøpt av året, og då i ganske så miserabel stand. Heldigvis kom engletrompeten seg ganske fort, og står no med masse knoppar.  Om eg klarer å overvintre planten er ei anna sak.  Den tid, den sorg.... No gled eg meg over flotte, duftande blomster!